Пік у ноч на 13 жніўня.
Метэорны паток Персеіды будзе добра бачны ў ноч з 12 на 13 жніўня. Няўзброеным вокам на начным небе можна заўважыць знічкі з боку сузор’я Персея — часцінкі каметы Свіфта-Татла.
Шанцы пабачыць Персеіды ёсць з другой паловы ліпеня да амаль канца жніўня, але пік прыпадае на 12—13 жніўня. NASA прагназуе ў гэтую ноч да 100 метэораў на гадзіну.
Старт самага актыўнага «шоў» чакаецца ў 20:40 па мінскім часе. Праўда, якраз у гэты момант сонца толькі будзе заходзіць — варта трошкі пачакаць, каб пабачыць «зорны дождж». А там можна і нарабіць чароўныя здымкі — раптам пашанцуе на такія фота, якія робіць фатограф Віктар Малышчыц.
Назіраць за зорным небам лепей далей ад вялікіх гарадоў. На шчасце, Беларусь — белая пляма на мапе светлавога забруджання, таму ад гарадскога святла ў нас ёсць куды ўцячы.
Ды не прымайце ўсё, што падае з неба, за Персеіды: дацкага фатографа Альберта Дроса «патроліла» Міжнародная касмічная станцыя. Яна ўлезла ў кадр, калі Дрос хацеў зрабіць фота на фоне «зорападу». Ці падступная МКС нічога не сапсавала?
Цяпер чытаюць
Начальнік міліцыі Брагіна страляў у сваю жонку. Яна цудам выжыла7
Каментары