Няма падстаў хвалявацца наконт наступстваў засухі для харчовай бяспекі краіны. Упэўненасць у гэтым Аляксандр Лукашэнка выказаў сёння ў час размовы з працоўным калектывам ААТ «Белавежскі» і жыхарамі вёскі Расна.
«Няма падстаў хвалявацца», — сказаў Аляксандр Лукашэнка, адказваючы на пытанне, ці ёсць апасенні, што краіна сутыкнецца з няхваткай прадуктаў харчавання, сыравіны для перапрацоўчай прамысловасці ў сувязі з анамальнай гарачынёй. Нягледзячы на засуху, у гэтым годзе ў Беларусі атрыманы добры ўраджай збожжа. Намалочана прыкладна на 500 млн т менш, чым у 2014-м. Пры гэтым у краіне створаны запас у памеры 2 млн т. «Таму насельніцтву хвалявацца не трэба. Мы ўжо сёння маем менавіта столькі, колькі нам трэба па дзяржзаказе збожжа, і цяпер гаспадаркі просяць узяць у іх збожжа», — сказаў Аляксандр Лукашэнка.
Ён прызнаўся, што ў сувязі з засухай яго хвалюе сітуацыя на Палессі, паколькі «яны пацярпелі больш за ўсё» — там пяскі». У бліжэйшы час кіраўнік дзяржавы мае намер асабіста азнаёміцца са станам спраў у гэтым рэгіёне.
«Але ў мяне няма ніякіх сумненняў у тым, што краіна наступстваў гэтай за засухі не заўважыць», — падкрэсліў Лукашэнка.
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары