Фермер па прозвішчы Чжан з кітайскай правінцыі Цзянсу прынёс у банк торбу з сапсаванымі банкнотамі — агульнай сумай 100 тысяч юаняў (больш за 15 тысяч даляраў). Ён прасіў абмяняць гэтыя купюры на цэлыя.
Чжан распавёў, што грошы больш за чатыры гады таму закапала ў зямлі яго маці. Яна змясціла банкноты ў пакет, які паклала ў металічную скрынку, а ўжо яе закапала пад падлогай у кухні.
Гэтым летам Чжан вырашыў ажаніцца, і маці ўзгадала пра назапашаныя грошы. Сям'я выкапала скарб, але знайшла кучу сапсаваных банкнот. «Мае бацькі застылі на месцы. Гэта былі іх зберажэнні за гады цяжкай працы ў гарадах», — распавёў фермер.
Эксперт па сапсаваных банкнотах, які працуе ў мясцовым аддзяленні банка, ацаніў грашовую масу і прыйшоў да высновы, што паводле бягучага заканадаўства гэтыя наўрад ці ўдасца замяніць. Але ён паабяцаў адправіць фатаграфіі сапсаваных купюр у вышэйстаячае аддзяленне ў надзеі, што там знойдуць выйсце з сітуацыі.
Няясна, чаму маці Чжана вырашыла закапаць грошы, а не аднесці іх у банк. Раней кітайцы з сельскай мясцовасці, як правіла, хавалі грошы ў сакрэтных месцах — асабліва пад зямлёй. Але не такую велізарную суму.
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары