Былы палітвязень і дэпутат палаты прадстаўнікоў Сяргей Скрабец сёньня зьвярнуўся з адкрытым лістом да новага прэзыдэнта Расеі Дзьмітрыя Мядзьведзева з просьбай дапамагчы ў вызваленьні беларускіх палітвязьняў.
Былы палітвязень і дэпутат палаты прадстаўнікоў Сяргей Скрабец сёньня зьвярнуўся з адкрытым лістом да новага прэзыдэнта Расеі Дзьмітрыя Мядзьведзева з просьбай дапамагчы ў вызваленьні беларускіх палітвязьняў.
«Мы лічым, што вызваленьне беларускіх палітвязьняў у значнай ступені залежыць ад Расеі. Калі Эўропа і ЗША маюць узгодненую пазыцыю ў гэтым пытаньні, то Расея яшчэ не выказвалася наконт гэтай праблемы. Мы зьвяртаемся ня толькі да Мядзьведзева, але і да ўсяго расейскага грамадзтва, каб тыя зьвярнулі ўвагу на тое, што ў саюзнай зь імі дзяржаве за кратамі знаходзяцца апанэнты дзейснага рэжыму. Думаю, што ліст павінен дайсьці да адрасата. Некалі я ўжо зьвяртаўся да Ўладзімера Пуціна з просьбай аб палітычным прытулку. Ліст дайшоў, але мне было адмоўлена», – кажа Сяргей Скрабец.
Палітык адзначае, што цяпер абмяркоўваецца пытаньне, каму яшчэ з сусьветных лідэраў накіраваць падобныя лісты.
Нагадаем, што сёньня другі дзень бестэрміновай галадоўкі пратэсту братоў Сяргея і Аляксандра Скрабцоў. Яны патрабуюць вызваленьня ўсіх беларускіх палітвязьняў. Паводле словаў Сяргея Скрабца, іхны з братам стан пакуль добры.
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары