Мікалай Статкевіч аштрафаваны на 40 базавых велічынь (7,2 млн. рублёў) на падставе ч. 2 арт. 23.34 КоАП (парушэнне парадку арганізацыі або правядзення масавага мерапрыемства або пікетавання).
Такое рашэнне прыняў 22 верасня суд Цэнтральнага раёна Мінска. Гэта максімальны штраф па гэтым артыкуле.
Пікет «За сумленныя і свабодныя выбары» з удзелам былога палітвязня Мікалая Статкевіча прайшоў 10 верасня каля ГУМа. Тады ж у яго дачыненні склалі пратакол аб адміністрацыйным правапарушэнні.
Статкевіч сёння на судзе не прысутнічаў, бо даведаўся пра яго толькі напярэдадні, вярнуўшыся ў Беларусь з-за мяжы.
Каментары