«Сум і смутак навявае новенькі рэйтынг найбуйнейшых расійскіх кампаній РБК-500. Мы і раней, вядома, усё ведалі пра сыравінавы перакос у эканоміцы і нафтавую залежнасць, — піша расійскі палітык Аляксей Навальны ў сваім блогу. —
Проста тут усё так наглядненька, хоць плач.
Вось яны, кампаніі, якія складаюць аснову эканомікі РФ:
Тут 77% ВУП Расіі і ўсяго толькі 7,5 мільёна занятых. Занятага насельніцтва ў краіне 71,1 млн чалавек, атрымліваецца толькі 10,5% занятых прыносяць 77% ВУП. Жахліва.
Давайце груба вылучым нафту, газ, металы, горную справу. Гэта значыць усё тое, дзе мы зарабляем, выкопваючы з зямлі нешта карыснае і прадаючы яго за мяжу:
Уявіце, што заўтра нафту і газ і металы першага перадзелу не патрэбныя. Выдалім абведзенае чырвоным. Усё, няма ніякай эканомікі Расіі і самой Расіі.
Але яшчэ горш выглядае аналіз прыбытку сектараў эканомікі:
«Паводле дадзеных апублікаванага ў сераду рэйтынгу найбуйнейшых расійскіх кампаній РБК 500, сукупны даход нафтавых кампаній ў 2014 годзе склаў 19,8 трлн руб., або 35,3% усёй выручкі ўдзельнікаў рэйтынгу, а вось чысты прыбытак — 1,98 трлн руб. — 97,7% усяго чыстага прыбытку. На астатнія галіны прыйшлося ўсяго 46 млрд руб. прыбытку.
Калі ў якасці выніку дзейнасці айчыннага бізнесу ўлічваць толькі прыбытак, іншых галін у Расіі па сутнасці не існуе».
Гэта значыць, 98% чыстага прыбытку 500 найбуйнейшых кампаній — гэта нафта і газ, а ўсё астатняе — 2%. Зразумела, што ценявая эканоміка ёсць і ўсё такое, але парадак лічбаў не зменіцца.
Гэта значыць, нічога няма. Нафта і газ — гэта адзінае, дзе ёсць легальныя прыбыткі. Дзе можна ўзбагаціцца. І менавіта гэтыя галіны знаходзяцца пад максімальным дзяржаўна-алігархічным кантролем. Гэта значыць, узбагачаюцца не таленавітыя прадпрымальнікі, а адзінкі — алігархі і сотні — чыноўнікі.
Вось так і выглядае той самы «сыравінны прыдатак Захаду». Столькі гадоў крычалі, што не дамо вашынгтонскаму абкаму сябе ў яго ператварыць, і менавіта ў яго добраахвотна ператварыліся.
Паглядзіце зноў на верхнюю карцінку. Усё, чаго мы змаглі пабудаваць за 25 гадоў — гандлёвыя сеткі, банкаўскі сектар і камунікацыі. Усё астатняе — ад нафцянкі да машынабудавання і энергетыкі — гэта ўсё спадчына СССР.
І галоўнае: за 15 гадоў высокіх коштаў на сыравіну вось тое самае, абведзенае чырвоным, атрымала каласальныя прыбыткі. Дзе яны? Што на іх пабудавалі? Каму на іх шчасця і багацця купілі?
Выкапалі з зямлі скарб, прадалі яго на Захад, а на грошы купілі сабе нават не рыдлёўку і тачку, а проста права і далей для Захаду скарбы з сваёй зямлі капаць».
Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці15
Каментары