Самаабвешчаныя Данецкая і Луганская народныя рэспублікі (ДНР і ЛНР) згодныя перанесці мясцовыя выбары на сваёй тэрыторыі з 18 кастрычніка і 1 лістапада на наступны год.
Пра гэта гаворыцца ў заяве паўнамоцных прадстаўнікоў рэспублік у кантактнай групе па ўрэгуляванні ў Данбасе Дзяніса Пушыліна і Уладзіслава Дэйнегі, апублікаваным на сайце Данецкага агенцтва навін.
«Паведамляем пра згоду ДНР і ЛНР на перанос выбараў з 18 кастрычніка і 1 лістапада на наступны год», — сказалі яны.
Яны адзначылі, што гэта рашэнне прынята пасля вывучэння вынікаў парыжскага саміту лідараў «нармандскай чацвёркі» (РФ, ФРГ, Францыя і Украіна) 2 кастрычніка.
«Адзначаем, што прапанова ЛНР пра перанос выбараў у Данбасе на 21 лютага 2016 г. пры ўмове поўнага выканання Кіевам палітычных пунктаў «Мінска-2» ўлічана «нармандскай чацвёркай». Мы вывучылі заявы і рэкамендацыі спадарыні Меркель і спадара Аланда па выніках парыжскага саміту 2 кастрычніка. Правялі ў Мінску кансультацыі з прадстаўнікамі АБСЕ і Расіі. Атрымалі ўказанні ад нашых лідараў Аляксандра Захарчанкі і Ігара Платніцкага», — падкрэслілі Пушылін і Дэйнега.
«За гэты час Украіна будзе абавязаная выканаць усе узятыя на сябе па мінскіх пагадненнях абавязацельствы. А менавіта: даць Данбасу асаблівы статус, не дапусціць пераследу і пакарання асоб — удзельнікаў падзей на тэрыторыі Данецкай і Луганскай абласцей, а таксама перагаласаваць папраўкі ў канстытуцыю ў новай, узгодненай з намі рэдакцыі», — сказалі яны.
-
Міністр абароны Літвы: Пуціну патрэбна новая перамога, і ён глядзіць на краіны Балтыі і Польшчу
-
Як ЦРУ вырашала, ці можна дазволіць Эміратам атрымаць амерыканскія супертэхналогіі ў сферы штучнага інтэлекту
-
ЗША і Іран восьмую ноч запар абменьваліся ўдарамі пасля гібелі двух амерыканскіх вайскоўцаў у Іарданіі
Каментары