Менш чым праз год у Беларусь будзе дастаўлены першы Boeing «Белавія» прынцыпова новага дызайну. Авіятары натхніліся ідэяй выпускніка БДУ Іллі Андрэева, але не сталі ўвасабляць яе цалкам, піша Onliner.by, які пацікавіўся ў работнікаў кампаніі падрабязнасцямі анансаванага рэбрэндынгу.
— Пытанне прапрацоўваецца. У нас ужо фактычна гатовая ліўрэя новага самалёта, — кажа начальнік аддзела рэкламы і камунікацый «Белавія» Вольга Герасенка. - Пакуль мы не паглыбляемся ў дэталі і не расказваем, якія сімвалы і колеры будуць выкарыстаныя. Бо хочам прадставіць навінку непасрэдна ў Мінску, калі з завода-вытворцы прыляціць Boeing кампаніі. Яго размалёўка будзе рабіцца непасрэдна ў Сіэтле.
Адпаведна, што раней прапанаваная дызайнерам Іллёй Андрэевым «васільковая» канцэпцыя не была зацверджана цалкам.
— Так, Андрэеў прапанаваў сваю ідэю і, так скажам, натхніў кампанію на рэбрэндынг. Мы да гэтага часу кантактуем. Ілля дае парады наконт вясновага выгляду і кветак, якія варта выкарыстоўваць. Андрэеў не кіраўнік гэтага праекта, ён натхняльнік і кансультант. Проста Ілля — фанат авіяцыі. І аказвае дапамогу кампаніі на абсалютна бясплатнай аснове.
— Першапачаткова заяўленая кветкавая тэматыка будзе выкарыстоўвацца?
- Не магу сказаць.
Аднак дызайну Ільі ў прапанаваным выглядзе на самалётах «Белавія» вы не ўбачыце. Ліўрэя будзе абсалютна іншая.
Што тычыцца лагатыпа, ніякага васілька пакуль не плануецца. Хоць пэўны нацыянальны матыў будзе прысутнічаць. І гэта не прадугледжвае выкарыстанне колераў сцяга.
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары