Задорнаў пра Нобеля Алексіевіч: Вось як Захад заточаны супраць Расіі! Да затлумлення мазгоў
Вядомы расійскі гумарыст Міхаіл Задорнаў у сваім блогу выказаўся адносна Нобелеўскай прэміі па літаратуры для беларускай пісьменніцы Святланы Алексіевіч. Задорнаў рэзка раскрытыкаваў гэтае рашэнне Нобелеўскага камітэта.
«Нобелеўскі камітэт яшчэ раз даказаў гэтай прэміяй, што мастацкая каштоўнасць ім не важная. Ім галоўнае, каб было нешта супраць Расіі сказана. Сярод пісьменнікаў, якія пішуць на рускай, ёсць значна больш таленавітыя і цікавыя - Прылепін, Пялевін… Я ў першую чаргу называю тых, каго сам люблю чытаць», — напісаў комік.
Ён акцэнтаваў, што і папярэднія прэміі рускамоўным пісьменнікам даваліся не за мастацкія вартасці, а за палітыку. «Бо Салжаніцыну таксама Нобелеўская прэмія была дадзена не за мастацкасць, а за антысавецкі змест. Многія раманы Салжаніцына пачыналіся з мастацкіх частак, а развіваліся як публіцыстыка. Сёння мала хто можа пахваліцца тым, што ён дачытаў да канца нават «У крузе першым». А на Захадзе ведаюць, што ён атрымаў Нобелеўскую прэмію, але ніхто і першых главаў не прачытаў. Такая ж гісторыя была з Пастарнакам».
«Вось як Захад заточаны супраць Расіі! Да затлумлення мазгоў», — робіць выснову Задорнаў.
Міхаіл Задорнаў – комік, вядомы сваімі маналогамі пра «тупых амерыканцаў».
«Тэлефануйце дзецям, прасіце вярнуцца ў Беларусь». Беларусы на мяжы сутыкнуліся з новай праверкай30
Каментары