У Брэсце распачалі крымінальную справу паводле ч. 1 арт. 214 Крымінальнага кодэкса Беларусі (угон). Абвінавачаным стаў 29‑гадовы мясцовы жыхар, які і раней трапляў у поле зроку сілавікоў.
Здарэнне адбылося ў гаражы, дзе мужчына адпачываў у кампаніі знаёмых і калег. Падчас сустрэчы прысутныя ўжывалі алкаголь. У нейкі момант мужчына выйшаў, каб пагаварыць па тэлефоне, і заўважыў аўтамабіль аднаго з калегаў. Ключ пры гэтым заставаўся ў замку запальвання.
Берасцеец вырашыў сесці за руль, каб, як ён патлумачыў, «патрэніравацца». Пры гэтым ён не меў пасведчання кіроўцы і быў п’яны. Да яго ў машыну сеў яшчэ адзін нецвярозы знаёмы, які выпадкова праходзіў побач.
Паездка, якая спачатку здавалася кароткай забавай, хутка стала небяспечнай. Пасажыр амаль адразу ўсвядоміў рызыку і настойліва ўгаворваў кіроўцу разгарнуцца і вярнуцца да гаража. Аднак падчас развароту «трэніроўка» неспрактыкаванага кіроўцы скончылася аварыяй.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары