Ахоўнік задушыў бармэнку, а пасля марна спрабаваў скончыць жыццё самагубствам
Ахоўнік Івацэвіцкага бара задушыў сужыцельку-бармэнку, пасля чаго прабіў сабе грудзі нажом і падпаліў кватэру, у якой застаўся.
Як распавёў начальнік аддзялення інфармацыі і грамадскіх сувязей УУС Брэсцкага аблвыканкама Сяргей Дучэнка, здарэнне адбылося ўчора ўвечары. Пасля сваркі 29-гадовы жыхар Івацэвічаў задушыў сужыцельку, як мяркуецца, шнуром ад праса.
Па словах афіцыйнага прадстаўніка УСК па Брэсцкай вобласці Марыны Драньковай, пасля гэтага мужчына прабіў сабе грудзі нажом і падпаліў кватэру, у якой застаўся. Як растлумачылі ва ўпраўленні, такім чынам ён хацеў скончыць жыццё самагубствам.
Пажар у кватэры патушылі супрацоўнікі Івацэвіцкага РАНС. Ратавальнікі знайшлі абгарэлы труп 37-гадовай бармэнкі.
Падазраванага даставілі ў раённую бальніцу, дзе дактары зрабілі яму аперацыю. Пад канвойным наглядам ён застаўся ў аддзяленні рэанімацыі.
У Івацэвіцкім раённым аддзеле СК у дачыненні да ахоўніка распачалі крымінальную справу па артыкуле «Забойства».
Цяпер чытаюць
Хто тая беларуска, якую экстрадавалі ў ЗША для суда за кантрабанду дэталяў для самалётаў8
Каментары