З фізічных асоб, у дачыненні да якіх будзе ўстаноўлена перавышэнне фактычных расходаў над афіцыйнымі даходамі, з 2016 года будзе збірацца падаходны падатак па стаўцы 16%.
«У дачыненні да фізасоб устанаўліваецца стаўка падаходнага падатку ў памеры 16% па даходах, што вылічваюцца падатковым органам, зыходзячы з сум перавышэння расходаў грамадзяніна над даходамі», — паведаміла намеснік міністра па падатках і зборах Эла Сяліцкая, выступаючы 11 снежня на канферэнцыі «Актуальныя пытанні падаткаабкладання ў святле зменаў падатковага заканадаўства 2016 года».
Яна растлумачыла, што прадпісанне аб уплаце падаходнага падатку ў павышаным памеры можа быць вынесеная па выніках праверкі падатковым органам дэкларацыі грамадзян аб даходах і маёмасці.
«Улічваючы, што такія даходы фізічная асоба атрымлівае, як правіла, ад ажыццяўлення незаконнай прадпрымальніцкай дзейнасці, прапанавана ўстанавіць стаўку, якая будзе аналагічная са стаўкай падаходнага падатку, што прымяняецца ў дачыненні да даходаў, атрыманых ад прадпрымальніцкай дзейнасці», — сказала Сяліцкая.
З 2015 года для фізічных асоб прымяняецца адзіная стаўка падаходнага падатку — 13%, за выключэннем некаторых выпадкаў. У прыватнасці, з даходаў, атрыманых ад ажыццяўлення прадпрымальніцкай і прыватнай натарыяльнай дзейнасці, фізічныя асобы абавязаныя выплачваць падаходны падатак па стаўцы 16%.
З 2016 года падатковыя органы плануюць зрабіць больш жорсткімі падыходы не толькі ў дачыненні да фізічных асоб, чые фактычныя расходы перавышаюць афіцыйныя даходы, але і ў дачыненні да асоб, якія не выплачваюць падаходны падатак пры здачы жылля ўнаймы.
«Падатковыя органы будуць спаганяць у пяціразовым памеры сумы падаходнага падатку з даходаў, атрыманых грамадзянамі пры здачы жылля ўнаймы без уплаты падаходнага падатку ў фіксаваных сумах», — паведаміла Сяліцкая.
Цяпер чытаюць
Хто забараняе ў Беларусі кнігі — вось гэтыя 22 чалавекі30
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары