Пры пажары ў Буда-Кашалёўскім раёне загінулі 3-гадовы хлопчык і 9-гадовая дзяўчынка
За мінулыя суткі ў Беларусі пры пажарах загінулі 9 чалавек, з іх — 2 дзяцей. Чарговая трагедыя адбылася ў вёсцы Покапаўка Буда-Кашалёўскага раёна.
Як распавялі ў аператыўным штабе МНС, пажар у прыватным жылым доме здарыўся ўначы 4 студзеня.
Абставіны яго ўзнікнення, а таксама прычыны - усталёўваюцца. На месцы працуюць прадстаўнікі міністэрства МНС і Следчага камітэта.
Ужо дакладна вядома, што пры пажары загінулі тры чалавекі: 37-гадовая жанчына, жонка гаспадара дома, і яе 3-гадовы сын, а таксама 9-гадовая ўнучка гаспадара. Яшчэ адну дзяўчынку, 12-гадовую ўнучку гаспадара дома ўдалося выратаваць.
Усплёск пажараў у Беларусі з гібеллю людзей ратавальнікі звязваюць з прыходам моцных маразоў. Як адзначаюць у МНС, у катэгорыю рызыкі ў першую чаргу трапляюць жыхары прыватнага жылога сектара.
Рост пажараў у прыватным сектары пры наступе маразоў эксперты тлумачаць асаблівасцямі ўстаноўкі катлоў сістэм ацяплення ў недастаткова уцепленых памяшканнях. Пры рэзкім паніжэнні тэмпературы навакольнага паветра ўзнікае рызыка замярзання трубаправодаў, вада спыняе цыркуляваць, што рэзка павышае ціск у катле, а гэта можа прывесці да выбуху.
У МНС заклікаюць уладальнікаў прыватных сядзібных дамоў ставіцца ў гэтыя дні з асаблівай увагай да сваіх ацяпляльных сістэм, рэгулярна кантраляваць іх працу. Таксама ратавальнікі назвалі яшчэ адну частую прычыну ўзнікнення пажараў у прыватных дамах — перакал печы.
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру4
Каментары