На пасяджэнні ў Данецкім гарсудзе Растоўскай вобласці ўкраінская лётчыца Надзея Саўчанка працягвае распавядаць, што было з ёй у палоне.
Пра гэта паведамляе ў сваім Twitter адвакат Мікалай Полазаў.
«У палоне 17.06 прыйшоў «асабіст», паказаў прозвішча афіцэра УСУ, сказаў ён наводчык. Я сказала, не трэба яго шукаць. Гэты афіцэр УСУ на волі і можа выканаць заданне, а я ў палоне — губляць няма чаго. Я сказала, што наводчык не ён, а я. Увечары 17.06 палонных білі, мяне не чапалі, сказалі «на закуску пакінем». Потым прыйшоў лекар, перавязаў палонных. Перыядычна прыходзіў «асабіст» Каламіец (той, хто сябра Маньшына). Казаў, прагінацца пад РФ, цябе хутка туды аддадуць», — пераказвае Полазаў Саўчанка.
Далей яна падрабязней распавяла, як баевікі схілялі яе да супрацоўніцтва: «Прыходзілі асабіст Громаў (ён потым памёр) і Адам Умараў - ён даваў мне патэлефанаваць з майго тэлефона сястры. Яшчэ прыходзіў асабіст Каракін, паводзіў сябе нахабна, пагражаў. Патрабаваў перадаць ваенную інфармацыю».
Умараў, па словах Саўчанка, уяўляўся «камандзірам чачэнскага батальёна, выхваляўся, што збіў самалёт УСУ». Громаў казаў ёй, што ён «перамоўшчык ад Луганска, як Рубан з другога боку». Каламіец, «подла усміхаючыся», пагражаў, што ўжо ўсё вырашана і Саўчанка «паедзе ў Магадан».
У рэшце рэшт Громаў і Каламіец дакладна сказалі, што яе «вывезуць у Расію».
Так і здарылася: «23 чэрвеня мяне вывезлі з Луганска ў напрамку Данецка. У гэты момант я зразумела — мне крышка, вывозяць з Украіны».
***
Нагадаем, расійскае следства абвінавачвае Саўчанка па артыкулах «забойства» і «замах на забойства». Украінка ўсе абвінавачванні адмаўляе. Насамрэч пасля захопу ў палон баевікамі яна была перапраўлена на тэрыторыю Расіі. Надзея Саўчанка абвясціла галадоўку 18 снежня пасля таго, як быў падоўжаны тэрмін яго ўтрымання пад вартай.
Цяпер чытаюць
Мінчук забіў маці і цесця, а пасля 15 гадоў атрымліваў за іх пенсію1
Каментары