У радзільні расійскага Новакузнецка за навагоднія святы памерлі дзевяць немаўлят
Трагедыя здарылася ў расійскай Новакузнецкай гарадской бальніцы №1 (Расія), дзе за час навагодніх свят памерлі адразу дзевяць нованароджаных. Гэтую інфармацыю афіцыйна пацвердзіў міністр аховы здароўя Кузбаса Андрэй Тарасаў.
Паводле слоў міністра, цяпер у медыцынскай установе працуе камісія Мінздароўя для ацэнкі прычын і прадухілення далейшых смяротных выпадкаў. Дакладныя прычыны гібелі немаўлят пакуль не агучваюцца, а вынікі праверкі абяцаюць абвясціць толькі пасля яе завяршэння.
На фоне скандалу і масавых скаргаў Следчы камітэт Кемераўскай вобласці завёў крымінальную справу паводле ч. 3 арт. 109 КК РФ (прычыненне смерці з неасцярожнасці дзвюм або больш асобам).
Рашэннем губернатара рэгіёна галоўны доктар бальніцы Віталь Хераскаў часова адхілены ад пасады.
У аўторак, 13 студзеня, стала вядома, што радзільня цалкам прыпыніла прыём новых пацыентак. Афіцыйнай прычынай прыпынення назвалі «перавышэнне парога захворвальнасці на рэспіраторныя інфекцыі ў акушэрскім стацыянары». Сваякі загінулых малеч падазраюць, што сапраўднай прычынай магла стаць унутрыбальнічная інфекцыя або сур'ёзная халатнасць персаналу падчас святочных дзён.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект5
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
як казаў С. Брін "Нігерыя ў Снезе", таму нягледзячы на усё РТ прапаганду 96% Беларусаў супраць аншлюса