У бліжэйшыя два гады беларускія інжынеры і навукоўцы абяцаюць стварыць і паставіць вайскоўцам новую ракетную сістэму дальнасцю да 300 км.
Гэта максімальная лічба, дазволеная дамовай пра звычайныя ўзброеныя сілы ў Еўропе, паведаміў у відэасюжэце канал АНТ.
«Трэба мець зброю, якая б засцерагала патэнцыйнага праціўніка ці суперніка нашага не ваяваць з беларусамі. Мы павінны мець зброю, якая можа нанесці непрымальныя страты гіпатэтычнаму праціўніку», — сказаў Аляксандр Лукашэнка падчас сустрэчы са старшынёй Ваенна-прамысловага камітэта Сяргеям Гурулёвым.
З гэтай прычыны Беларусь вырашыла зрабіць стаўку на ракетную зброю, дадаў Лукашэнка.
«Мы яе стварылі. Паставілі на ўзбраенне», — дадаў ён, маючы на ўвазе ракетны комплекс «Паланэз».
Да 1 ліпеня 2016 года дывізіён у складзе 336-й рэактыўнай артылерыйскай брыгады атрымае поўны камплект ракетных комплексаў залпавага агню «Паланэз», дальнасць якога — 200 км.
Раней намеснік міністра абароны па ўзбраенні генерал-маёр Ігар Лацянкоў казаў, што дывізіён «Паланэзаў» будзе ўключаны ў склад брыгады «да верасня».
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары