Найбуйнейшы ў Беларусі самагонны цэх ліквідаваны ў Маладзечанскім раёне, паведамілі ў аддзяленні інфармацыі і грамадскіх сувязей УУС Мінскага аблвыканкама.
Самагонны цэх 40-гадовы непрацуючы жыхар вёскі Яхімоўшчына Маладзечанскага раёна вырашыў арганізаваць проста ў двары ўласнага дома. Гаспадар падворка паставіў вытворчасць самагону на прамысловую аснову: брага «хадзіла» ў чатырох тысячалітровых спецыяльных ёмістасцях, падаграваных газавымі гарэлкамі. Для сілкавання гарэлак адначасова падлучаліся 2 балоны з прапанам, аб'ём ёмістасці для кандэнсацыі спіртавых пароў складаў больш за 3 тыс. л, а гатовы прадукт выцякаў па чатырох змеевіках адначасова.
Домаўладанне акружаў высокі плот, яго ахоўвалі сабакі і сістэмы відэаназірання. Падчас гонкі самагону дом ахоўвалі сваякі гаспадара.
Паводле самых сціплых ацэнак, магутнасці завода дазвалялі выганяць больш за 500 л самагону за адну гонку, а выкарыстанне газу дазваляла выключыць наяўнасць тыповых прыкмет самагонаварэння: дыму з трубы, сажы і паху.
Адходы вытворчасці перавозіліся на свінаферму непадалёк, якая належыць уладальніку падворка. Ферма стала прыкрыццём для самагоннага цэха: не выклікаючы падазрэнняў, самагоншчык спакойна купляў і прывозіў дадому буйныя партыі мукі, нібыта на корм.
Каб узяць самагоншчыка з доказамі злачынства, АМАПаўцы некалькі гадзін сядзелі ў засадзе і вялі назіранне за домам. Канфіскавана 240 л самагону, каля 6 т брагі і самагонны апарат.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары