Фізікі з калабарацыі DZero абвясцілі аб адкрыцці новай элементарнай часціцы, якая атрымала назву X (5568). Пра гэта гаворыцца на сайце Нацыянальнай паскаральнай лабараторыі Фермі.
Цяпер навуцы добра вядомыя злучэнні кварка і антыкварка (мезон), а таксама трох кваркаў (барыён). Усе іншыя злучэнні лічацца экзатычнымі і практычна не сустракаюцца ў прыродзе.
Новая часціца X (5568) складаецца з чатырох кваркаў. Яна падобная на тэтракварк, адкрыты ў 2014 годзе. Аднак яна мае чатыры розныя «водары»: ніжні, верхні, хараство (bottom quark also known as the beauty quark) і дзіўнасць (strange). Ва ўсіх тэтракваркаў, якія навукоўцы назіралі раней, хоць бы два «водары» паўтараліся.
У сваёй працы навукоўцы выкарысталі дадзеныя пра распад мезонаў, атрыманыя на калайдэры Тэватрон ў ЗША з 2002 па 2011 гады. Статыстычная значнасць знаходкі склала 5,1 стандартных адхіленняў (імавернасць памылкі — 1 да 6 000 000).
Новая часціца атрымала назву X (5568) па значэнні яе масы — 5568 мегаэлектронвольт. У даследаванні бралі ўдзел спецыялісты з 75 інстытутаў з 18 краін. Вынікі сваёй працы навукоўцы адправілі ў часопіс Physical Review Letters.
Фізікі пакуль не разумеюць да канца механізмы, якія прымушаюць часціцы злучацца ў атамныя ядры і ўтрымліваюць іх разам. Назіранне за экзатычнымі часціцамі можа дапамагчы наблізіцца да вырашэння гэтай загадкі.
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары