Еўропа знаходзіцца на мяжы гуманітарнага крызісу ў сувязі з прытокам бежанцаў, заявіла сёння ў Жэневе Упраўленне вярхоўнага камісара ААН па справах бежанцаў (УВКБ).
«УВКБ папярэджвае, што Еўропа знаходзіцца на мяжы вялікага гуманітарнага крызісу, створанага ўласнымі дзеяннямі», — адзначыў на брыфінгу афіцыйны прадстаўнік гэтага ўпраўлення Эдрыян Эдвардс.
Ён звярнуў увагу, што Грэцыя сутыкаецца з масавым прытокам мігрантаў і бежанцаў, а краіны Старога Свету «не працуюць разам, нягледзячы на ўжо дасягнутыя пагадненні ў шэрагу сфер». Акрамя таго, «краіны адна за адной устанаўліваюць новыя абмежаванні на граніцах». Такая практыка супярэчыць стандартам ЕС і міжнароднага права, падкрэсліў ён.
Як паведаміла сёння ў Жэневе Міжнародная арганізацыя па міграцыі, з пачатку 2016 года ў Еўропу па Міжземным моры прыбылі 129 455 мігрантаў і бежанцаў, пры гэтым 418 чалавек загінулі або прапалі без вестак, спрабуючы дасягнуць еўрапейскіх краін.
Цяпер чытаюць
Брат Колі Лукашэнкі будуе фармацэўтычны комплекс за $10 мільёнаў11
Брат Колі Лукашэнкі будуе фармацэўтычны комплекс за $10 мільёнаў
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары