Беларускі інструктар навучальнай базы пaлка «Азоў» з пазыўным «Зубр» паведаміў «Нашай Ніве», што на мінулым і пазамінулым тыдні да ягоных бацькоў з вобшукам прыходзілі супрацоўнікі ўпраўлення па барацьбе з арганізаванай злачыннасцю.
«Мне маці сказала, што прыходзіла міліцыя. Яны забралі ноўтбук і сказалі, што перададуць усё ў КДБ. Таксама і да чатырох іншых хлопцаў прыходзілі, забіралі камп'ютары і вінчэстары. Палохалі бацькоў, што супраць нас заведзены справы па артыкуле «Наёмніцтва», што нас «пададуць» на экстрадыцыю, а потым пасадзяць. Таксама задавалі пытанні, дзе мы і што робім, але мая маці ім нічога не стала казаць», — распавёў «Зубр».
Хлопец дадаў, што пакуль не ведае, наколькі гэта небяспечна. Бо, маўляў, неймаверна, што Украіна іх выдасць. Але і браць украінскае грамадзянства для страхоўкі хлопцы не хочуць.
«Толькі «Грот» думае афармляць грамадзянства, бо ў яго ж жонка — украінка».
Таксама беларус расказаў, што хлопцы збіраюцца звальняцца з «Азова», бо актыўная фаза вайны скончылася і проста так сядзець, маўляў, не мае сэнсу. Замест гэтага яны хочуць пачаць «палітычную барацьбу». «Мы плануем стварыць, так бы мовіць, палітычны рух у эміграцыі ў новым фармаце», — сказаў «Зубр», не раскрыўшы сутнасці гэтага руху.
-
Замест металадахоўкі — дубовая драніца. У цэнтры Віцебска на месцы міліцыі адкрылася кавярня ў бездакорна адноўленым 200‑гадовым будынку
-
«Людзі дамовіліся ў адзін час выйсці ў лакальныя ўчасткі і біць усіх актывістаў». Ігар Лосік расказаў пра бунт у Наваполацкай калоніі
-
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска
Цяпер чытаюць
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска3
Каментары