Марзалюк: Калі скажу, хто з выкладчыкаў экстрэміст, — закідаюць камянямі
Учора сенатар Ігар Марзалюк запытаў у старшыні КДБ, ці магчымае ў перспектыве «стварэнне банка звестак грамадзян нашай краіны, у першую чаргу інтэлектуальнай эліты, якія, карыстаючыся тым, што з'яўляюцца выкладчыкамі вышэйшай школы, працуючы з моладдзю», праводзяць «ідэалагічную апрацоўку экстрэмісцкай скіраванасці»? І ці магчымая забарона на прафесію для такіх асоб?
Гэта адбылося ў Савеце Рэспублікі Нацыянальнага сходу падчас абмеркавання законапраекта, які прадугледжвае крымінальную адказнасць за экстрэмізм.
«У нас няма такіх прыкладаў, каб нехта з выкладчыкаў вышэйшай школы займаўся такой дзейнасцю», — запэўніў у адказ Вакульчык.
Сёння мы датэлефанаваліся да Марзалюка і папрасілі патлумачыць ягонае выказванне.
«Я шырэй нічога казаць не буду, бо ёсць рэчы, якія нельга агучваць праз шэраг аб'ектыўных і суб'ектыўных прычын», — сказаў сенатар і дадаў, што больш не будзе нічога казаць, «каб не траўмаваць нічыёй ранімай псіхікі».
«Я вам скажу, хто гэта, а мяне абвінавацяць у галаслоўнасці, будуць кідаць камянямі, бо патрэбна адмысловая экспертыза, каб вызначыць, хто экстрэміст, а хто не», — сказаў таксама Марзалюк.
Калі ж мы папрасілі назваць хаця б ВНУ, дзе, паводле Марзалюка, могуць працаваць выкладчыкі-экстрэмісты, то Марзалюк запэўніў, што гэта было «чыста тэарэтычнае пытанне».
«Я сказаў тое, што хацеў сказаць», — падсумаваў сенатар.
Каментары