За адзін вечар панядзелка, 11 красавіка, спікер Вярхоўнай Рады Уладзімір Гройсман паспеў адмовіцца ўзначаліць урад Украіны, а потым усё-ткі пагадзіцца на пасаду прэм'ер-міністра.
Каля 9 гадзін вечара крыніца РБК-Украіна ў фракцыі «Блок Пятра Парашэнкі» паведаміла, што Уладзімір Гройсман катэгарычна адмовіўся ўзначаліць Кабмін. Пазней гэтую інфармацыю пацвердзіў шэраг народных дэпутатаў.
Галоўнай прычынай адмовы спікера змяніць пасаду стала кадравая — ён высунуў шэраг патрабаванняў па членах свайго будучага ўрада, што, відавочна, ўвайшло ў супярэчнасці з раней дасягнутымі дамоўленасцямі.
У прыватнасці Гройсман запатрабаваў, каб адну з віцэ-прэм'ерскіх пасадаў і пасаду кіраўніка Міністэрства сацыяльнай палітыкі занялі людзі з яго каманды.
Аднак Уладзімір Гройсман нядоўга упарціўся ў жаданні атрымаць у Кабінеце сваю канфігурацыю міністраў. Ужо каля паловы адзінаццатай крыніцы РБК-Украіна ў Адміністрацыі прэзідэнта паведамілі, што спікер ўсё ж такі пагадзіўся стаць прэм'ерам.
Матываваць яго здолеў асабіста прэзідэнт Пятро Парашэнка, які прыгразіў, што ў выпадку нязгоды Гройсмана ён вылучыць кандыдатам у прэм'еры Юрыя Луцэнку. Аргумент падзейнічаў, аднак быць упэўненым у тым, што да заўтрашняга пленарнага дня нічога не зменіцца, нельга.
Цяпер чытаюць
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы55
Каментары