Намеснік Шчоткінай: Інтэрнэт-апытанні нерэпрэзентатыўныя, насамрэч грамадства згоднае на павышэнне пенсійнага веку
Намеснік міністра працы і сацыяльнай абароны Беларусі Валерый Кавалькоў растлумачыў, чаму, на яго думку, апытанні на інтэрнэт-сайтах з нагоды пенсійнага ўзросту нерэпрэзентатыўныя.
Сваю пазіцыю ён агучыў на анлайн-канферэнцыі.
«Любыя апытанні павінны адказваць патрабаванню рэпрэзентатыўнасці, то бок першапачаткова ахопліваць розныя сацыяльныя групы і ўзроставыя катэгорыі насельніцтва, — адзначыў Валерый Кавалькоў. — Пагадзіцеся, што не ўсё насельніцтва рэспублікі можна аднесці да актыўных карыстальнікам сеткі інтэрнэт, тым больш нейкіх асобных сайтаў».
Намеснік міністра расказаў, як вывучалася меркаванне грамадзян па пытанні павышэння пенсійнага ўзросту:
шляхам аналізу зваротаў (пісьмовых і электронных), публічных і тэлефонных апытанняў, у працоўных калектывах, а таксама ў рамках ўзаемадзеяння з грамадскімі і прафсаюзнымі арганізацыямі, праз СМІ.
«Праведзеная тлумачальная праца, агучаныя довады на карысць прыняцця рашэння аб павышэнні пенсіённага ўзросту далі вынікі: хай не адразу, але ўсё ж грамадзяне згаджаліся з неабходнасцю прыняцця гэтага рашэння», - падкрэсліў Валерый Кавалькоў.
-
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю
-
Пасол Украіны па пытаннях Беларусі: «Пазіцыя Ціханоўскай дакладна не пацыфісцкая»
-
Ці могуць мінскія школьнікі бясплатна карыстацца грамадскім транспартам падчас летніх канікул?
Каментары