Сталічны клуб Blondes and Brunettes, вядомы высокімі цэнамі і жорсткім дрэс-кодам, у суботу, 16 красавіка, правядзе развітальную вечарыну, пасля чаго закрыецца. Ён прапрацаваў тры гады.
Клуб Blondes and Brunettes адкрыўся улетку 2013 года па адрасе вул. Камсамольская, 38. Ён адразу атрымаў званне самай закрытай установы горада і адрозніваўся ад усяго, што да гэтага бачылі сталічныя тусоўшчыкі. Месца стала скандальным дзякуючы пільнаму дрэс-коду і празмерным цэнам. Пры гэтым яшчэ і працавала толькі па пятніцах і суботах. А празрыстае люстэрка з мужчынскага туалета ў жаночы наогул атрымала кляймо сэксісцкага.
Тады палітыкай і канцэпцыяй клуба займаўся рэстаратар Вадзім Пракоп'еў. Аднак у 2015 годзе яго адхілілі ад працы і паспрабавалі зрабіць клуб «Бландзінкі і брунэткі» больш лаяльным да наведвальнікаў. Зрэшты, мабыць, і рэбрэндынг не пайшоў клубу на карысць.
«На месцы адкрыецца іншая ўстанова ў новым фармаце», — патлумачыла прычыну закрыцця Наталля Садоўская, якая кіруе Blondes and Brunettes. Інфармацыю пра новых уладальнікаў і канцэпцыю ў клубе каментаваць адмовіліся.
Месца, якое гучна адкрывалася, завершыць працу гэтак жа шумна. У прыватнасці, 16 красавіка ў Blondes and Brunettes пройдзе закрытая вечарынка Grand Closing.
«Гэта быў найгоршы клуб на зямлі, але лепш за яго не было», — сказана ў запрашэнні. Арганізатары абяцаюць грандыёзную праграму ў стылі ўручэння прэміі «Оскар», феерычнае шоу і выключныя кактэйлі.
-
Дызайнеры прапануюць выходзіць замуж у вясельных шлёпанцах — такую калекцыю выпусцілі ў Birkenstock
-
Паліто за 790 рублёў ад беларускага брэнда хутка сапсавалася. Кліентцы параілі зафарбаваць пацёртасці спецыяльным маркерам
-
«Бро, не купляй сабе бульбяны мяшок — ідзі ў залу»: беларускі вядучы ТНТ раскрытыкаваў мужчынскія касцюмы оверсайз
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая50
Каментары