Сёньня вызначыліся фіналісты Кубку Беларусі па футболе. Імі сталі менскі МТЗ-РІПА і салігорскі «Шахцёр».
Для БАТЭ Кубак Беларусі ад пачатку не выглядаў за самамэту – каманда ў любым выпадку летам сыграе ў Лізе чэмпіёнаў. Але падаць ніжэй вызначанай плянкі барысаўцы таксама не хацелі. У нестабільнасьці «трактаразаводцаў» і быў шанец у чэмпіёна, але не атрымалася.
Ужо ў першым тайме гвінэйскі легіянэр МТЗ-РІПА Камара адкрыў лік, а Вячаслаў Глеб яго замацаваў – 2:0. Пасьля перапынку БАТЭ здолела адыграць толькі адзін гол, які на 81-ай хвіліне з пэнальці забіў Генадзь Блізьнюк.
Затое галявы фэервэрк зладзіла пара іншых паўфіналістаў. Фактычна, «Шахцёр» вырашыў лёс супрацьстаяньня ўжо на 54-ай хвіліне, калі каманда выйгравала зь лікам 3:0. Аднак Алег Шкабара і славак Робэрт Рак удала рэалізавалі стандартныя моманты. Лік стаў мінімальным – 3:2. Што праўда, на большае сяміразовага чэмпіёна Беларусі ўжо не хапіла.
Фінал Кубку пройдзе 18 траўня. МТЗ-РІПА і «Шахцёр», апроч самога трафэю, разыграюць таксама другую пуцёўку ў Кубак УЭФА ад Беларусі.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў2
Каментары