За тыдзень каціроўкі дадалі каля 6,5% і дасягнулі максімуму за сем месяцаў.
Нафта падаражэла на фоне эскалацыі паміж ЗША і Іранам. Кошты нафты марак Brent і West Texas Intermediate выраслі амаль на адзін адсотак, дасягнуўшы 72,34 і 67 даляраў за бараль адпаведна. За тыдзень каціроўкі дадалі каля 6,5% і дасягнулі максімуму за сем месяцаў.
Падставай для росту сталі заявы прэзідэнта ЗША Дональда Трампа, які ўзмацніў ціск на Тэгеран у рамках спрэчкі вакол іранскай ядзернай праграмы і згадаў дзесяцідзённы тэрмін для дасягнення дамоўленасці.
Інвестары асцерагаюцца, што ў выпадку абвастрэння можа быць парушана суднаходства ў Армузскім праліве — адным з ключавых маршрутаў паставак нафты.
Аналітык кампаніі Phillip Nova Прыянка Сачдава адзначыла, што «цяпер рынак знаходзяцца ў стане падвышанай трывогі».
Хто забараняе ў Беларусі кнігі — вось гэтыя 22 чалавекі33
Каментары
Dy i nie pačnie Tramp vajennuju apieracyju ŭ Iranie, kali nia budzie peŭnaści ŭ chutkich terminach jaje zaviaršennia...