Канцэрт памяці Ганны Вольскай у КЗ «Мінск» не дазволілі, спаслаўшыся на «дзяржаўнае мерапрыемства»
1 мая споўнілася 40 дзён са дня смерці Ганны Вольскай – жонкі і прадзюсаркі вядомага музыкі Лявона Вольскага. Каб ушанаваць яе памяць, сябры і знаёмыя вырашылі правесці канцэрт. Аднак ім адмовілі, спаслаўшыся на «мерапрыемства з удзелам органаў дзяржаўнай улады, сілавых міністэрстваў і ведамстваў».
«Тады, у канцы сакавіка, практычна адразу, вялікая колькасць сяброў-музыкаў прапанавалі правесці канцэрт памяці Ганны. Акустычны, ціхі і добры. Сямейны. Каб усе, каму дарагая Аня, змаглі прыйсьці разам са сваімі дзецьмі і пабыць разам. Паўзгадваць … – напісаў у сваім фэйсбуку Уладзімір Шаблінскі. — Доўга выбіралі пляцоўку і прыйшлі да разумення, што трэба рабіць у КЗ «Мінск». І ў часы NRMa, і наступныя імпрэзы «Крамбамбулі» мы разам перажылі ў гэтай залі многае. Значную частку жыцця».
Зборы з канцэрта збіраліся накіраваць альбо Лявону Вольскаму на альбом, альбо на рамонт яго хутара.
Канцэрт хацелі зладзіць 7 ліпеня. Але ж здаць ў арэнду залу адмовіліся. Шаблінскі прадэманстраваў афіцыйны адказ.
Цікава, што ў культурна-асветніцкім цэнтры сваю ж заяву і абверглі. «Рэпертуарны план на ліпень яшчэ не зацверджаны. Заяўкі падаюцца, але ці будзе нейкая канкрэтная імпрэза і ў які час, пакуль не вырашана», — паведаміў «Нашай Ніве» Станіслаў Андрасюк, галоўны спецыяліст арганізацыйна-метадычнага аддзела цэнтра.
Цяпер чытаюць
Айцішнік і былы палітвязень Віктар Куўшынаў прадае за 850 тысяч еўра дом у Партугаліі, які пабудаваў паўтара года таму ФОТЫ5
Каментары