Толькі што скончыўся фінальны бой за званне чэмпіёна свету па муай-тай у катэгорыі да 75 кілаграм.
Віталь Гуркоў перамог Экапана Самбаансаба з Тайланда, які не саступаў у баях ужо 4 гады запар.
Віншуем нашага «Народнага чэмпіёна»!
Гэтая перамога адметная яшчэ і тым, што некаторы час паездка Гуркова ў Швецыю была пад пытаннем — у зборнай нібыта не маглі знайсці грошы.
У адказ на гэта грамадскасць за адзін дзень сабрала неабходную суму ў некалькі тысяч еўра, а за Гурковым замацавалася мянушка «Народны чэмпіён»
Вось кароткае відэа, знятае адразу пасля бою — Гуркоў яшчэ не разматаў бінты і перадае прывітанне свайму трэнеру Зміцеру Пясецкаму.
А вось як «Народны чэмпіён» з'явіўся на ўзнагароджванне.
«Пагоня побач! Будзем жыць», — вітаюць байца ў фэйсбуку.
Гэты чэмпіянат склаўся для беларусаў надзвычай удала — у агульным медальным заліку мы другія з 5 залатымі, адной срэбранай і чатырма бронзавымі медалямі.
Чэмпіёнамі свету сталі Віталь Гуркоў, Анатоль Ванакаў, Зміцер Валент і Андрэй Герасімчук.
Дзяніса Ганчаронка шведскі медык не дапусціў да фіналу праз павышаны ціск.
Сярод дзяўчат золата мае Алена Ляшкевіч.
-
«Спачатку пагрозу прыдумаў, потым сам яе перамог». Прапаганда абвяргае Зяленскага, сцвярджае, што рэтранслятараў не здымалі, бо іх не было
-
20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне
-
У Магілёве стаў працаваць адкрыты скаладром. Ён самы высокі ў Беларусі
Зяленскі: Рэтранслятары на мяжы Беларусі прыпынілі працу69
Каментары