За чатыры гады свайго тэрміну ў якасці прэзідэнта Украіны Віктар Януковіч выплаціў не менш за два мільярды даляраў у якасці хабару, паведамляе ў аўторак, 31 мая, The Telegraph са спасылкай на фінансавую справаздачнасць «Партыі рэгіёнаў», старшынёй якой быў Януковіч.
Такім чынам Януковіч траціў на хабары амаль 1,4 мільёна даляраў штодня, калі знаходзіўся на пасадзе прэзідэнта. Януковіч рабіў адзінкавыя пераводы на сумы ў мільёны даляраў, а таксама рабіў дарагія падарункі, напрыклад, у выглядзе гадзінніка коштам у 67 тысяч даляраў, адзначае выданне.
У справаздачнасці запісаныя выдаткі на хабары былым і дзеючым украінскім чыноўнікам. У прыватнасці, апісваюцца хабары электаральнай камісіі за забеспячэнне перамогі «Партыі рэгіёнаў» на выбарах у 2012 годзе.
The Telegraph таксама адзначае, што праз два гады пасля ўцёкаў Януковіча ў Расію ніводная справа супраць яго або яго атачэння не дайшла да ўкраінскага суда.
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары