Саюз еўрапейскіх футбольных асацыяцый (УЕФА) заявіў, што зборныя Расіі і Англіі могуць быць дыскваліфікаваныя і не змогуць больш удзельнічаць у Еўра-2016, калі фанаты гэтых камандаў і далей будуць удзельнічаць у беспарадках.
У заяве УЕФА гаворыцца, што саюз «не выключае ўвядзенне дадатковых санкцый у дачыненні да Асацыяцыі футбола Англіі і Расійскага футбольнага саюза (РФС) аж да дыскваліфікацыі камандаў з турніру ў выпадку, калі такі гвалт паўторыцца».
Раней стала вядома, што УЕФА адкрыла дысцыплінарнае слуханне ў дачыненні да Расійскага футбольнага саюза (РФС) па выніках матчу чэмпіянату Еўропы Расія — Англія.
Заўзятарам зборнай Расіі ставяцца ў віну беспарадкі, расісцкія паводзіны і выкарыстанне піратэхнікі, паведамляецца на афіцыйным сайце УЕФА.
Расійскі міністр спорту Віталь Мутко адзначыў, што трыбуны англійскіх і расійскіх заўзятараў не былі падзеленыя спецыяльнай буфернай зонай.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Адданага ябацьку, які абражаў Святлану Ціханоўскую ў Threads, кінулі за краты
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1414
Каментары