Украіна стала выдаваць беларускім добраахвотнікам вайсковыя білеты
Добраахвотнікі з тактычнай групы «Беларусь» праходзяць працэдуру афіцыйнага афармлення ва ўкраінскае войска. У прыватнасці, ім выдаюца ваенныя білеты.
У каментары сайту «Беларускія навіны» прадстаўнік групы паведаміў: «Частка нашых байцоў цяпер праходзіць працэдуру афармлення ва ўкраінскае войска. Гэта неабходна для атрымання прафесійнага баявога досведу і больш легальнага статус».
Байцы, якія атрымалі ваенны білет, падпісваюць кантракт з украінскай вайсковай часцю. Беларускія добраахвотнікі выбралі для падпісання кантракта элітную часць, якая трапіла пад ваенную рэформу. Па іх словах, з імі будуць займацца інструктары з ЗША ды іншых краін NATO.
Пры гэтым байцы не прэтэндуюць на ўкраінскія грамадзянства. Яны кажуць, што застаюцца патрыётамі Беларусі і ў любы час гатовыя вярнуцца для яе абароны.
Тактычная група «Беларусь» была створаная ў 2014 годзе. У яе ўваходзяць пераважна беларускія добраахвотнікі ва Украіне, але таксама ёсць украінцы і расіяне. У гэтую групу ўваходзілі ўраджэнец Брэста Алесь Чаркашын і ураджэнец Запарожжа Віталь Ціліжэнка, якія загінулі пад Валнавахай.
Байцы не паведамляюць, колькі чалавек у іх групе. Вядома, што ў яе ўваходзяць экс-палітвязень Эдуард Лобаў, актывіст беларускай апазіцыі Ян Мельнікаў, а таксама байцы з пазыўнымі «Ваяр», «Зубр» і «Тур».
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары