Мужчына, які напаў з сякерай на пасажыраў прыгараднага цягніка ў Баварыі ў панядзелак увечары, застрэлены, пацвердзілі ў паліцыі Германіі.
У выніку інцыдэнту прынамсі тры чалавекі атрымалі сур'ёзныя раненні, адзін паранены лёгка і яшчэ 14 чалавек знаходзяцца ў стане шоку.
У нападзе падазраецца 17-гадовы афганец, які жыў у горадзе Оксенфурт. Па некаторых дадзеных, малады чалавек быў бежанцам, нядаўна прыбыў у Германію.
Узброены сякерай і нажом, ён накінуўся на пасажыраў на перагоне паміж Оксенфуртам і станцыяй Вюрцбург-Хайдынгсфельд, перадае Deutsche Welle словы міністра.
Інцыдэнт адбыўся каля 21:15 панядзелка ў прыгарадным цягніку. Калі цягнік спыніўся, злачынец паспрабаваў збегчы, удакладняе Deutsche Welle, аднак натыкнуўся на нарад паліцыі, атакаваў яго і быў застрэлены паліцэйскімі.
Нямецкае агенцтва ДПА паведамляе, што ў некаторых пацярпелых небяспечныя для жыцця раненні.
Максім Знак наведаў спектакль «Зэкамерон», пастаўлены па ягонай кнізе, напісанай у СІЗА4
Каментары