Дзяржаўтаінспекцыя Мінска ўзмацняе кантроль за выкананнем правілаў дарожнага руху раварыстамі, паведамілі ва УДАІ ГУУС Мінгарвыканкама.
«Дзеці-пешаходы і дзеці-раварысты — найбольш уразлівыя катэгорыі ўдзельнікаў дарожнага руху. Таму Дзяржаўтаінспекцыя сталіцы звяртаецца да бацькоў з просьбай нагадаць дзецям асноўныя правілы бяспечных паводзін на дарозе. Нагадайце дзіцяці, што перасоўвацца на ровары неабходна толькі па роварнай дарожцы, а пры яе адсутнасці — па абочыне, тратуары або пешаходнай дарожцы, не ствараючы перашкоды для бяспечнага руху пешаходаў», — гаворыцца ў паведамленні.
Там нагадваюць, што пры перасячэнні праезнай часткі дарогі па пешаходным пераходзе раварыст павінен весці ровар побач з сабой і кіравацца патрабаваннямі, прадугледжанымі правіламі для руху пешаходаў.
Раварысту ва ўзросце маладзей 14 гадоў без суправаджэння паўналетняй асобы забараняецца рухацца па дарозе, за выключэннем пешаходных і жылых зон, тратуараў, роварных і пешаходных дарожак.
За парушэнне правілаў дарожнага руху асобай, якая кіравала роварам, пагражае адміністрацыйная адказнасць у адпаведнасці з артыкулам 18.23 Кодэкса аб адміністрацыйных правапарушэннях, якая прадугледжвае штраф у памеры ад 1 да 3 базавых велічынь (адна БВ цяпер складае Br21), калі правапарушэнне было здзейсненае ў стане алкагольнага ап'янення — штраф у памеры ад 3 да 5 базавых велічынь.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары