Аляксандр Лукашэнка зробіць сёння рабочую паездку ў Мінскую вобласць, у ходзе якой азнаёміцца з развіццём у краіне фермерскіх гаспадарак.
Плануецца, што ў Лагойскім раёне кіраўнік дзяржавы наведае сялянскую фермерскую гаспадарку «Цнянскія экапрадукты», якая спецыялізуецца на вырошчванні бульбы і збожжавых. У гаспадарцы выкарыстоўваюцца сучасныя тэхналогіі захоўвання і перапрацоўкі бульбы, што дазваляе ўпэўнена рэалізоўваць прадукцыю на ўнутраным і знешнім рынках. Кіраўніку краіны паведамяць аб практычнай рэалізацыі дзяржаўнай палітыкі па развіцці фермерскіх гаспадарак, а таксама указа ад 4 ліпеня 2016 года №253 «Аб мерах па фінансавым аздараўленні сельскагаспадарчых арганізацый».
Падчас рабочай паездкі размова таксама пойдзе аб ходзе ўборачнай кампаніі ў Беларусі ў цэлым і Мінскай вобласці ў прыватнасці, кіраўніку дзяржавы прадэманструюць перспектыўную сельскагаспадарчую тэхніку.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах1
Каментары