асцярожна, жорсткае відэа і фота
Французскі гімнаст атрымаў страшны пералом падчас выступу ў Рыа
Двайны інцыдэнт здарыўся з французскім гімнастам Самірам Айт Саідам, які выступаў у кваліфікацыі Алімпіяды ў Рыа. Падчас выканання практыкавання спартовец няўдала прызямліўся і атрымаў двайны пералом нагі — вялікай і малой берцавай косткі. Хруснула на ўсю арэну, але мужны спартовец вытрымаў і не закрычаў ад болю.
Фота Рэбекі Блэквел, АП.
Саміра Айт Саіда павезлі ў бальніцу, але падчас пагрузкі ў машыну хуткай дапамогі медыкі ўпусцілі насілкі з траўмаваным гімнастам.
Спартоўца чакае аперацыя, але ён паабяцаў, што яшчэ выступіць на Алімпіядзе-2020 і атрымае «золата».
Адметна, што гэты 26-гадовы гімнаст чатыры гады таму не трапіў на Гульні ў Лондане, бо атрымаў такую самую траўму на іншай назе, паведамляюць замежныя СМІ.
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары