Руская праваслаўная царква пачала вінаробны праект — яе даччыная кампанія высадзіла вінаграднікі ў пасёлку Дзіўнаморскае Краснадарскага краю на ўзбярэжжы Чорнага мора.
Пра гэта паведамляе РБК.
Даччыная кампанія Маскоўскага патрыярхата — ТАА «Мезыбь». У 2015 годзе яе зарэгістравалі фінансава-гаспадарчае ўпраўленне РПЦ і іншая даччыная кампанія РПЦ — «Софрына», якая займаецца вытворчасцю свечак і рэлігійнага начыння. Асноўны від дзейнасці ТАА «Мезыбь» — вытворчасць вінаграднага віна, а таксама вырошчванне вінаграду, вытворчасць этылавага спірту, аптовы і рознічны гандаль алкагольнымі і іншымі напоямі, а таксама ўпакоўванне.
Вінаробныя ўгоддзі РПЦ размешчаны ўшчыльную да летняй рэзідэнцыі патрыярха, якая афіцыйна называецца «Патрыяршы і сінадальны духоўна-адміністрацыйны і культурны цэнтр Рускай праваслаўнай царквы». Як гаворыцца на сайце Маскоўскага патрыярхату, у цэнтры абсталяваныя пакоі найсвяцейшага патрыярха і пастаянных сябраў Сінода, рабочыя кабінеты, канферэнц-залы.
Невядома, ці будзе ТАА «Мезыбь» выкарыстоўваць віно толькі для царкоўных патрэб або мяркуецца яго рэалізацыя праз розніцу, бо для гэтага ім давядзецца атрымаць ліцэнзію на гандаль алкаголем.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары