У Польшчы арыштавалі пенсіянерку, якая ўсыпляла і рабавала залётнікаў
Суд у Польшчы ўзяў пад варту пенсіянерку, якая знаёмілася з мужчынамі праз газеты, пры сустрэчы падсыпала ім у ежу снатворнае, а потым рабавала.
Па версіі следства ў аднаго з мужчын, які запрасіў 80-гадовую Яніну М. дадому, пенсіянерка скрала каштоўнасці, наяўныя грошы і электроніку на дзве тысяч даляраў. Папярэдне яна атруціла вячэру пенсіянера таблеткамі ларазепама.
Гэта не адзіны эпізод у справе супраць пенсіянеркі. Следства лічыць, што Яніна М. зрабіла падобнае яшчэ па меншай меры з адным састарэлым мужчынам у Польшчы.
«Зірнуўшы на яе, я б не падумаў, што гэтая жанчына здольная на такія злачынствы. Або, што ёй 80 гадоў», — цытуе агенцтва Франс Прэс пракурора, які выступаў у судзе.
Яніна М. ўжо мае дзевяць судзімасцяў за крадзеж і махлярства. Калі яе прызнаюць вінаватай на гэты раз, ёй пагражае да 20 гадоў зняволення.
Ларазепам ўжываецца для лячэння трывожнага стану і нервовасці, выклікае сон.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары