Невядомыя ўзламалі электронную пошту Юліі Сцяпанавай — расійскай спартсменкі, чый аповяд пра допінг лёг у аснову некалькіх дакументальных фільмаў і прывёў да адхілення расійскіх лёгкаатлетаў ад Алімпіяды ў Рыа.
Юлія Сцяпанава (Русанава) і яе муж Віталь распавядалі ў праграме Сі-бі-эс «60 хвілін» аб прымяненні допінгу
Пра ўзлом пошты Сцяпанавай распавялі прадстаўнікі швейцарскай арганізацыі, якая займаецца падтрымкай Юліі і яе сям'і. Муж Юліі Віталь Сцяпанаў — былы супрацоўнік Расійскага антыдопінгавага агенцтва — таксама распавядаў журналістам пра допінг у расійскім спорце.
Пасля таго як спартсменка выступіла з абвінавачваннямі ў выкарыстанні допінгу, яе месцазнаходжанне трымаецца ў сакрэце. Як адзначае сайт спартыўнага тэлеканала ESPN, атрымаўшы доступ да перапіскі Юліі Сцяпанавай, хакеры маглі даведацца і яе месцазнаходжанне.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам4444
Каментары