Таццяна Караткевіч ў тэлевыступе заклікала выбарцаў зрабіць «хай і небагаты, але выбар»
Кандыдат у дэпутаты Палаты прадстаўнікоў, сустаршыня кампаніі «Гавары праўду» Таццяна Караткевіч 19 жніўня ў сваім выступленні на тэлеканале «Беларусь 3» заклікала выбаршчыкаў зрабіць «хай і небагаты, але выбар».
У прыватнасці, Караткевіч заклікала прагаласаваць не за кандыдатаў ад партыі чыноўнікаў, якія будуць выконваць загады і слухаць сваіх начальнікаў, а за альтэрнатыву ім, якую яна прадстаўляе.
Кандыдат у дэпутаты адзначыла, што выкарыстоўвае любую магчымасць, каб зрабіць голас выбаршчыкаў мацнейшым, а іх мэты дасягальнымі. Паводле яе слоў, галоўны доказ таго, што дэпутат паважае сваіх выбаршчыкаў, гэта тое, што ён кажа праўду і робіць тое, што абяцае. «Хай не адразу мы вырашым усе праблемы, але я абяцаю, што не буду маўчаць, буду казаць праўду і праяўляць ініцыятыву для вырашэння нашых шматлікіх праблем», — сказала Караткевіч.
Яна адзначыла, што многія выбаршчыкі не хочуць ісці галасаваць, бо не вераць выбарам, дэпутатам і чыноўнікам. У той жа час яна заклікала прыйсці 11 верасня на выбарчыя ўчасткі, каб прагаласаваць за сучаснасць і будучыню ў руках не партыі чыноўнікаў, а «ў нашых з вамі».
Караткевіч балатуецца па Кастрычніцкай акрузе Мінска № 97. Па гэтай акрузе таксама вылучаюцца начальнік станцыі Мінск-Пасажырскі УП «Мінскае аддзяленне БЧ» Аляксандр Дрожжа, член Беларускай патрыятычнай партыі Валерый Клінцоў, член Беларускай партыі левых «Справядлівы свет» Валерый Макараў, член Камуністычнай партыі Беларусі Канстанцін Монтач і кандыдатка ад АГП Ганна Канапацкая.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь15
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары