Прэм'еры Венгрыі і Чэхіі выказаліся за стварэнне адзінай еўрапейскай арміі
26 жніўня ў Варшаве праходзіць сустрэча кіраўнікоў урадаў дзяржаў Вышаградскай групы з канцлерам Германіі Ангелай Меркель, у рамках якой кіраўнікі ўрадаў Венгрыі і Чэхіі выказаліся за стварэнне адзінай еўрапейскай арміі.
Перад пачаткам перамоў прэм'ер-міністр Венгрыі Віктар Орбан прэзентаваў свае прапановы, якія датычацца змяненняў у Еўрасаюзе: «Мы павінны прытрымлівацца вельмі рыгарыстычнай бюджэтнай палітыкі, заснаванай на эканамічным росце. Таксама неабходна аддаць асноўны прыярытэт пытанням бяспекі. Менавіта таму трэба пачаць ствараць супольную еўрапейскую армію».
У сваю чаргу, прэм'ер-міністр Чэхіі Багуслаў Саботка заявіў, што Еўропа мае патрэбу ў больш блізкім супрацоўніцтве ў галіне абароны: «Больш старанная ахова межаў Шэнгенскай зоны — гэта не толькі пытанне супрацоўніцтва ў барацьбе з тэрарызмам. Мы павінны пачаць дыскусію аб стварэнні агульнай еўрапейскай арміі. Гэта будзе нялёгкі працэс».
Памілаваныя 15 чалавек, сярод якіх 13 палітвязняў15
Каментары