Старшыня Цэнтрвыбаркама Лідзія Ярмошына прагаласавала датэрмінова у другі дзень парламенцкіх выбараў. Лідзія Міхайлаўна выбірае дэпутата ў бізнес-цэнтры «Пакроўскі» каля «Мінск-арэны», на выбарчым участку №511, дзе балатуецца ў тым ліку і спявачка Ірына Дарафеева.
— Я традыцыйна галасую у другі дзень выбараў, пазней на гэта проста не будзе часу, — патлумачыла Лідзія Ярмошына. — У першы дзень (датэрміновага галасавання) баюся заспець камісію знянацку. А цяпер ужо ўсе недахопы выпраўлены.
Кіраўнік ЦВК пагутарыла з назіральнікамі і ўдакладніла, ці бачылі яны, як напярэдадні апячатвалі скрыні для датэрміновага галасавання. Члены камісіі выдалі ёй бюлетэнь, толькі праверыўшы пашпарт. Затое старшыня Мікалай Сергіенка ўручыў букет кветак: «Дарыць прыгожай жанчыне кветкі заўсёды дарэчы».
Рабіць выбар кіраўніку Цэнтрвыбаркама мелася быць з экс-кандыдата ў прэзідэнты Віктара Цярэшчанкі, спявачкі Ірыны Дарафеевай, аглядальніка Уладзіміра Падгола, юрыста і сына былога кіраўніка Федэрацыі прафсаюзаў Андрэя Козіка, камуніста Кірылы Герасімава і ліберал-дэмакрата Алега Чэсалава.
— Я прагаласавала за таго чалавека, якога вельмі добра ведаю, — распавяла Лідзія Ярмошына. — Дэпутатам павінен быць чалавек, які нешта з сябе прадстаўляе або які чагосьці дасягнуў: вядомасці, капіталу, адукацыі, перспектыў.
У першы дзень датэрміновага галасавання, па афіцыйных дадзеных, на ўчасткі прыйшлі каля 4% выбаршчыкаў - такія паказчыкі Лідзія Ярмошына назвала звычайнай практыкай. Прэтэнзіі некаторых незалежных назіральнікаў, якія заявілі, што іх дадзеныя разыходзяцца з афіцыйнымі, кіраўнік ЦВК назвала несур'ёзнымі.
— Ніякага прымусу студэнтаў ісці на выбары не было, а лішні выходны, які некаторым абяцалі, - гэта не прымус, а, калі можна так сказаць, подкуп выбаршчыкаў. Адміністрацыя ВНУ вольная такім чынам стымуляваць палітычную актыўнасць. Такім чынам, парушэнні заканадаўства няма.
Лідзія Ярмошына заявіла, што гэтыя выбары на 100% празрыстыя з самага іх пачатку. Яна назвала іх самымі дэмакратычнымі з 2000 года.
Каментары