Літва ў пятніцу афіцыйна адклікала вайсковага аташэ ў Расіі палкоўніка Саўлюса Піктурну з прычыны яго шлюбу з жыхаркай анексаванага Расеяй Крыма.
«З гэтага дня ён адклікаецца з аташэ. (…) З заўтрашняга дня ён пераводзіцца ў рэзерв Узброеных сіл Літвы», — сказаў BNS міністр абароны Юозас Олекас. Пасля таго, як стала вядома аб сямейным становішчы С.Піктурны, на мінулым тыдні ён быў адкліканы ў Літву для кансультацый. З нагоды гэтага афіцэра Мінабароны звярнулася ў вайсковую выведку Літвы, каб высветліць усе акалічнасці.
«Другі дэпартамент аператыўных службаў правядзе расследаванне, і тады мы атрымаем адказ, як будзе ісці справа з яго далейшай службай, ці ёсць у яго ўсе правы служыць», — сказаў Ю. Олекас. Паводле яго слоў, калі С. Піктурну накіроўвалі служыць у Расею, ён быў жанаты з літоўкай.
Каментары