Дзіця паступіла ў прыёмнае аддзяленне Гродзенскай дзіцячай абласной клінічнай бальніцы 27 верасня. Хлопчык знайшоў у шафе некалькі плоскіх батарэек і праглынуў іх. Пасля рэнтгену высветлілася, што адна батарэйка знаходзіцца на ўзроўні падуздышнай косткі, а астатнія — у страўніку.
Іх удалося дастаць пры дапамозе спецыяльнага кошыка. Хлопчык вёў сябе спакойна, таму медыцынскую маніпуляцыю дактары правялі без наркозу. Усяго са страўніка маленькага пацыента дасталі 6 батарэек. Зараз хлопчык знаходзіцца пад наглядам у хірургічным аддзяленні ў чаканні самастойнага выхаду сёмай па ліку батарэйкі, якая паспела «ўцячы» ў кішэчнік.
Дарэчы, у гэты дзень, акрамя таго выпадку, у бальніцу экстрана даставілі яшчэ трох маленькіх пацыентаў з падазрэннем на такія іншародныя целы, як каштан у страўніку, таблетку аскарбінкі, што затрымалася ў страваводзе, і праглынутую разжаваную шкляную ампулу.
Каментары