Прэм'ер-міністр Расіі Дзмітрый Мядзведзеў заявіў, што сістэма дзяржаўнага кіравання ў краіне вельмі неэфектыўная і ўсю яе неабходна памяняць.
«Трэба прызнацца, што тая крытыка, якая раздаецца ў адрас сістэмы дзяржаўнага кіравання за недастатковую гнуткасць, нізкую эфектыўнасць, яна абсалютна справядлівая. Дзяржаўная машына, сапраўды, непаваротлівая. Трэба шчыра сказаць, што яе каэфіцыент карыснага дзеяння застаецца нізкім», — сказаў Мядзведзеў на Міжнародным інвестыцыйным форуме ў Сочы.
Па словах прэм'ера, цяперашняя дзяржаўная машына захоўвае элементы яшчэ савецкіх кіраўнічых механізмаў.
«Нізкая эфектыўнасць сістэмы дзяржкіравання — гэта адзін з ключавых фактараў, які стрымлівае развіццё краіны, — сказаў Мядзведзеў. — Менавіта таму мы сёння, не без цяжкасцяў і не без праблем, стараемся пераходзіць ад мадэлі кіравання «па даручэннях» да кіравання па выніках. Гэта значыць, да праектнага падыходу».
Аб неабходнасці замены расійскай сістэмы дзяржкіравання неаднаразова, у тым ліку і на форуме ў Сочы, заяўляў экс-міністр фінансаў, кіраўнік Цэнтра стратэгічных распрацовак Аляксей Кудрын. Паводле яго слоў, дзяржаўныя інстытуты ў іх цяперашнім стане замінаюць развіццю расійскай эканомікі і вядуць да зацяжной стагнацыі.
Аляксей Кудрын быў пазбаўлены ўсіх дзяржаўных пастоў восенню 2011 года распараджэннем Дзмітрыя Мядзведзева, які ў той час знаходзіўся на пасадзе прэзідэнта РФ.
-
Слон з мёртвым сланянём, каёт у Сан-Францыска, пума на агароджы… Вось якія работы сталі сёлетнімі пераможцамі конкурсу «Фатограф года дзікай прыроды»
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары