17—22 чэрвеня на базе Смаргонскага памежнага атраду пройдзе ваенна‑патрыятычны спартовы зьлёт праваслаўнай моладзі.
У зьлёце возьмуць удзел 11 каманд праваслаўнай моладзі ад усіх япархій Беларусі, сьвятары, адказныя за ўзаемадзеяньне з узброенымі сіламі епархіяльных упраў БПЦ, і ваенаслужачыя Смаргонскага пагранічнага атрада.
Цягам шасьці дзён удзельнікі наведаюць месцы баёў Першай сусьветнай, памежную заставу «Лынтупы» і камэндатуру «Гудагай», дзе азнаёмяцца з умовамі службы і побыту ваенных.
Апроч таго, афіцэры правядуць заняткі па агнявой і страявой падрыхтоўцы, азнаёмяць моладзь з асаблівасьцямі аховы дзяржаўнай мяжы і гісторыяй органаў памежнай службы.
Праграмай зьлёту прадугледжаны мэдыцынская і турыстычная падрыхтоўка, а таксама спартовае шматбор’е.
Завершыцца зьлёт 22 чэрвеня. У гэты дзень у храме Архістратыга Міхаіла Смаргонскага памежнага атрада япіскап Лідзкі і Наваградзкі Гурый адслужыць Літургіі, прымеркаваную да гераічнага подзьвіга памежнікаў ў чэрвені 1941 г.
Каментары