Здарэнні адбыліся амаль у адзін час, паведаміў БЕЛТА старшы інспектар АДАІ Маскоўскага раёна сталіцы Аляксандр Ажгірэй.
Адлегласць паміж двума ДТЗ — прыкладна 50 м. У першым выпадку сутыкнуліся чатыры легкавыя аўтамабілі.
«Адзін кіроўца ехаў па другой паласе знешняга кальца, другі — па трэцяй паласе. Машыны сутыкнуліся ў раёне аўтарынка. У гэты час па другой паласе ехала трэцяя легкавушка, кіроўца якой, убачыўшы ДТЗ, вырашыў спыніцца. Затым ён адчуў моцны ўдар ззаду, ад якога машыну адкінула наперад, яна працягнула рух і наехала на аўтамабілі, што сутыкнуліся наперадзе», — сказаў Аляксандр Ажгірэй.
Праз некаторы час па другой паласе рухаліся некалькі фур. Кіроўца першай, заўважыўшы побач ДТЗ, пачаў перастройвацца з другой паласы ў першую. У выніку адбылося сутыкненне з легкавіком, які рухаўся ў гэты час па першай паласе. На шчасце, ДТЗ абышліся без пацярпелых.
Каментары