Двое дзяцей выратаваныя пры пажары ў жылым доме ў Брэсце, паведамілі ў прэс-службе абласнога ўпраўлення МНС.
Паведамленне пра пажар у аднапавярховым двухкватэрным доме па вул. Смірнова выратавальнікам паступіла 17 снежня ў 13.08. Калі першыя падраздзяленні МНС прыбылі да месца выкліку, з акна кватэры ішоў дым. Трагедыі ўдалося пазбегнуць дзякуючы суседцы. Да прыбыцця ратавальнікаў праз акно, якое адкрыў знутры старэйшы хлопчык, яна дапамагла выбрацца на вуліцу двум хлопчыкам 2008-га і 2014-га гадоў нараджэння.
У кватэры, дзе адбыўся пажар, на момант яго ўзнікнення дарослых не было: бацька хлопчыкаў пайшоў у краму за пакупкамі, маці была ў суседзяў. Калі адбылося ўзгаранне, старэйшы адкрыў акно і стаў клікаць на дапамогу.
У лічаныя хвіліны ратавальнікі ліквідавалі пажар. Агнём пашкоджанае ўнутранае аздабленне ваннага пакоя, пральная машына, пашкоджанае перакрыцце на плошчы 1 кв. м. Прычына пажару высвятляецца. Найбольш імавернай версіяй з'яўляецца кароткае замыканне электраправодкі ў працуючай пральнай машыне.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак3
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары