Коля Лукашэнка расказаў пра сябе і адказаў на пытанне, ці хацеў бы стаць пераемнікам бацькі
Тэлеканал «Беларусь-1» апублікаваў фрагменты інтэрв'ю расійскага хлопчыка Яўгена Грышына з Мікалаем Лукашэнкам.
Апроч іншага, Яўген спытаў, ці хацеў бы Коля стаць пераемнікам бацькі на пасадзе прэзідэнта Беларусі.
«Многія людзі пытаюцца ў мяне пра гэта, — сказаў Мікалай Лукашэнка. — Мне шчыра не вельмі б хацелася, будзе вельмі цяжкае жыццё, не ўпэўнены, што гатовы. Можа, стаў бы доктарам — дапамагаць людзям, гэта добра. Можа, абраў бы вайсковую кар'еру. Час яшчэ ёсць падумаць».
Таксама Коля правёў для свайго інтэрв'юера экскурсію па сямейнай гаспадарцы: там 10 коз, 7 кароў, 47 трусоў розных пародаў, дэкаратыўныя куры, гусі, паўліны, тры страусы, коні, поні…
«Яечня з яйка страўса гатуецца паўгадзіны, амлет — недзе паўтары», — падзяліўся ведамі Мікалай.
У графіку сына прэзідэнта дзве-тры трэніроўкі па хакеі ў тыдзень (гуляе ён пад нумарам 1), чатыры ўрокі ігры на раялі, любімы школьны прадмет — геаграфія, таксама Коля грае ў школьным тэатры і дае канцэрты ігры на раяле ў Доме ветэранаў.
Кажучы пра свой багаты досвед вандровак, Мікалай Лукашэнка расказаў, што яго ўразілі ЗША, а таксама Эквадор. «У гэтай краіне можна адной нагой на адным паўшар'і стаяць, другой — на іншым», — сказаў Коля. Яшчэ яму спадабаліся краіны Усходу, і ЗША, і Паўднёвая Амерыка.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты7
Каментары