У Беларусі створаная рабочая група па стымуляванні дзелавой актыўнасці, выключэнні залішніх патрабаванняў да суб`ектаў гаспадарання, удасканаленні кантрольна-нагляднай дзейнасці на чале з Аляксандрам Лукашэнкам.
Пра гэта паведаміў журналістам сустаршыня Рэспубліканскай канфедэрацыі прадпрымальніцтва Віктар Маргелаў. Паводле яго слоў, група створаная распараджэннем прэзідэнта 13 студзеня. «Сябе прэзідэнт прызначыў кіраўніком групы, у яе ўваходзяць кіраўнік Адміністрацыі прэзідэнта, прадстаўнікі міністэрстваў, Камітэта дзяржкантролю і сем-восем прадстаўнікоў бізнесу, у тым ліку я. Паслязаўтра першае пасяджэнне», — сказаў Маргелаў.
Паводле яго слоў, дзелавая супольнасць на пасяджэнні кансультатыўна-каардынацыйнага савета 20 студзеня ўжо выпрацавала прапановы, якія будзе абмяркоўваць у рамках рабочай групы. «Трэба прымаць смелыя рашэнні», — лічыць Маргелаў.
У прыватнасці, прадстаўнікі бізнес-саюзаў плануюць выступіць з прапановамі па стратэгіі развіцця малога і сярэдняга прадпрымальніцтва да 2030 года, якая рыхтуецца зараз.
Распараджэнне аб стварэнні рабочай групы пакуль афіцыйна не апублікаванае.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца7
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1313
Каментары