7 сакавіка а 19:00 у «Beer&Wine bar» выступіць Лявон Вольскі ў дуэце з бас-гітарыстам Алесем-Францішкам Мышкевічам. Гэта будзе заключны канцэрт з серыі «Зімовай акустыкі».
Канцэрт, яшчэ не пачаўшыся, стаў сапраўднай інтрыгай для ўсіх цікаўных. Бо ў гэты раз складальнікам сэт-ліста можа стаць кожны. Да таго ж, апроч гітары, Лявон абяцаў «выпадкова прыхапіць» з сабой клавішы, а значыць, колькасць варыянтаў песень павялічваецца.
Таму, калі вы жадаеце пачуць нешта нязвыклае і адмысловае, карыстайцеся прапановай арганізатараў і абірайце тры любыя кампазіцыі, ад «Мроі» да «Псіхасаматыкі», і ўпісвайце іх у форму па гэтай спасылцы. Заяўкі прымаюцца да 4 сакавіка. Пасля выступоўцы разгледзяць поўны спіс пажаданняў і абяруць кампазіцыі, якія змогуць выканаць у акустычных умовах бара.
Продаж квіткоў пачынаецца сёння, 1 сакавіка, а 12 гадзіне дня. Калі жадаеце патрапіць на канцэрт, раім паспяшацца: арганізатары кажуць, што на мінулы выступ квіткі «разляцеліся» цягам 30-ці хвілін.
Набыць квіткі можна тут.
Кошт на танцпляц — 22 руб., столік — 25 руб.
Дадатковая інфармацыя па тэлефоне: +375 33 661-14-32.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі23
Каментары